شروحات الفارما

نظرا لاهمية الموضوع فقد قررنا اعلانه في المنتدى...

فقد تم الاتفاق على تقسيم الفارما على 9 طالبات متطوعات لعمل تلخيص شامل للفارما الفصلين الاولى وبالاحرى هو شرح وافي ومبسط لعدة مواضيع في هذه الفصلين...مع العلم بأن جزئية الدكتوره ليلي لن يتم عمل ملخصات لها لاننا سنرجع الى اوراق الدكتوره ..فقط التلخيص في جزئية الدكتور انور..

وقد تم التقسيم كالاتي..
هيفاء
from-general principle to pharmacokinetic principle
شريفه
from- pharmacokinetic to the end of the first chapter
ابتهال
from the begining of the second chapter to competitive and irreversible antagonist
إيمان
from the competitive to intracellular receptor
رهام
from intracellular to G-protein
نوره
from G-protien to second messenger
from second messenger to receptor classes
أريج
from receptor classes to variation drug response
شيماء
from variation to the end of this chapter
شروط الملخصات..
_ان لا يتم اغفال اي جزئيه في الكتاب بما في ذلك الامثله..
-اذا كان هناك رسوم توضيحيه او جداول فيشار الى رقم الصفحه في الكتاب ليتم الرجوع اليها اختصارا للوقت والجهد..
-اذا كان هناك شرح بالعربي فينبغي كتابة ماتم شرحه بالانجليزي..
-ان يتم التسليم في الوقت المحدد واخر مهله غدا بإذن الله يوم الاثنين 25-2-1429
ومن تتأخر في التسليم تعرض نفسها للعقوبه وهي ان تكتب ملخص لجزئين بدلا من جزء واحد في المرات القادمه..
قال تعالى(انما جزاء الذين يحاربون الله ورسوله ويسعون في الارض فسادا ان يقتلوا او يصلبوا او تقطع ايديهم وارجلهم من خلاف او ينفوا من الارض ذلك لهم خزي في الدنيا ولهم في الاخرة عذاب عظيم)
ولن يكون هناك اي تسامح على التقصير او الاهمال!!!

انا الحمد لله انهيت ملخصي وسلمته قبل الوقت المحدد!!!

wanted...
-نوره
-شيماء
-ابتهال
وذلك لتغيبهم عن الجامعه>>>اكيد لانهم ماعملوا الملخصات!!
بكره نصلبهم في ساحة الجامعه عظه وعبره للبقيه وبدون ان تأخذنا بهم رأفه الحق حق...

وبالنسبه للبقيه الحلوين الي هم
-هيفاء
-رهام
-اريج
-اثير
فقد تأخروا عن التسليم في الوقت المحدد بعذر المرض والنوم ووووالخ لذلك تم تخفيف العقوبه بأن تجلد كل واحده منهن 80 جلده >>مع الاعمال الشاقه!!
بالله كيف جلد واعمال شاقه؟؟؟
وبالنسبه للحلوات الامورات الي هم
-ايمان
-شريفه
هم بس الي التزموا بالوقت لذلك سيتم تكريمهن على مستوى المملكه!!!

اما عاااد جلد وأعمال شاقة طيب خففي عليه انا جبت نصه والنص الثاني ان شاء الله باخلصه اليوم واذا تبغون اوصله بيوتكم أو انزله هنا في المنتدى بس ماانجلد...

امونه طلعتي حااااقده

انا حازمه وصارمه قي القونين ولست حاقده!!!

خدمة التوصيل مجانا دمعه ننتظر كلام النهار يمحوه الليل

خلاص امونه اسفه يالحازمة والصارمة

انت بالذات باوصله لبيتك<<<لاتصدقين

خلاص ان شاء الله بكره اجيبه وتوبة ماعاد اتاخر

احتجااااااااااااااااج

انا ما تأخرت كسلا او نوما.....وانما لظروف قاااااااهره....وعندما اقول قاهره فهذا معناه انها مسألة حياه او موت<<<<< قاعده تجاهد في سبيل الله....

تبغون الصراحه والله نص الكلام ما فهمته واخاف ألخص غلط......عالعموم بكره ان شاءالله وهو عندكم ولا احد يقول شي في تلخيصي ولا وربي لأوريه شغل الله.....ما بعطيه التلخيص حقي<<<<<مو من زينه اصلا لكن(i will do my best)

ترقبوا اخر اصداراتي في المكتبات العامه ودور عرض الكتب المتميزه عالميا<<<<<<ايش دخل شعبان في رجب؟؟
وبالنسبه لايمان انا ما شفت ملخصك وينه ؟؟.... ولا يعنني اسلم في الوقت وملتزمه..... وبعدين اللي تأخروا ما يعيبهم شي يبغون افضل الملخصات للجميع..

ولا يهمكم اعترف بذنبي وتومورو وهو حاضر بس بشرط يتم الغاء العقوبات قبل ان تنتهوا من قراءة كلماتي...هههههههه

تشاااااااااو

هيفااء خلي الطاااااابق مستووور طال عمرك
لأنه أنتي أول وحده تتعاقب

لأنك ماكملتي ملخصك

أما أنا وايمان فالمفروض تعفونا من ملخصين اثنين

أما الغايبين مصيرهم رح يداومون


واأفكر بعااااقي لهيفاء


أفكر أقيلك من ادارة المنتدى

وأرشح نفسي أو ايمان لتولي هذا المنصب


والا وش رايك ايمي ؟؟؟

أحلفي شجن


جيبي لي تقرير طبي وبعدها ننظر في موضوعك ونصدر حكمنا عليك ...

بسم الله علي انا ما قلت اني مريضه....قلت ظروف قاهره وبس انتي مالك دخل فيها

هاه فيه عقاب ولا لا......بكيفكم ترى ما فيه ملخص....؟؟؟؟؟

أف أف أف
كم مرة وأنا أفهمكم إني business woman يعني مشغووووووووووولة تعرفون أنا لإيش ولاّ لإيش عندي مهام تجارية وسفريات والتليفونات ماتوقف طبعاً شخصيه مهمة لكن يبدو إني عجزت عن إني أفهمكم
خلاص لاتقعدون تصجوني بكرة والملخص عندكم لكن يبدوا لأني غبت عن المنتدى كم يوم قمتوا تنزلون عقاب على كيفكم (إني توّكم ) صح ما ألومكم أكيد وحشتكم المنتدى ماله طعم من غيري (اخص والثقة)..... لكن أرجع وأقول من جديد ياناس مشغولة بالتجارة الله يعين

الله أكبر على شيطاينكم..
أقول..
بما إني ما كملت ملخصي فقد رفعنا العقوبة>>فساد إداري

والله كنت تعبانة وين الرحمة؟؟!!>>خافت من الإقالة الجبرية

وايمي وشوشو موعشان التزمتوا بالموعد تسوون انقلاب داخلي..

أما رهام وأريج والغايبات مالهم عذر>>وحدة نذلة..
وشجن ترى قد توسطت بي أمس الساعة 2 الليل>>ما نامت من الخلعة هههه ..وقلت لها خلاص نامي وما يصير خاطرك الا طيب..

طبقا للقانون رقم 4579834/أ والذي يقضي بالإعفاء عن سجون الكتب خاصة إذا كانت لهم محاولات في التراجع عن إهمالهم وتحسين الصورة الخاطئة عنهم..فقد قررنا الآتي:
من لم تسلم ملخصها اليوم فقد شملها العفو..بشرط أن يتم تسليمه غدا إلى حد أقصاه الساعة التاسعة صباحا..مصور وجاهز

ألا يتم تكرار ذلك مرة أخرى..
وسلامتكم..

هيفاء مالنا عذرر.. طييييب طيب انا وانت والزمن طويل .. لاتنسين انت في موقف صعب بسبب الترشيحات القائمة حاليا فلو سمحتي حاولي تكسبين أصوات بقدر الامكان..




بعدين انا امس توسطت بك وقلتي خلاص كمليه في الجامعة؟؟؟؟؟؟؟ نسيتي؟؟

يا الله شكلكم ماراح تفهمون
أنا عندي تجاااااااراااااات ماني فاضية للملخصات هذي حقتكم
وبعدين هيفاء مو أنا حبيبتششششش ليه تسوين معي نذالة سويها مع أريج بس لكن أنا حليلي مسكينة

أريج>>>خلاص والله آسفة>>تذكرت الحملة الانتخابية

رهام>>تمسكيني من اليد الي توجعني>>خلاص سماح وسامحيني بس الله الله الصفقة الجاية تراها بالنص ففتي ففتي

خلاص ابشري بعطيش من الصفقة (وحدة ترشي )
بس سامحيني كل مرة

بالله عليك انت وياها طيييييب طيب

رهام توصين هيفاء عليه؟؟ معلييه انا اعرف اتفاهم معكم

طييييييييب ايمي .......... انا مالي عذر عشان كذا راضية بالعقاب .... بس بتقدرون تستغنون عني .......... وآسفه بدل المرة عشرة......... مع حبي ....

ايوووووووووووه اذا اختلف اللصان ظهر المسروق من جد فساد اداري وكمان يتخلون عن شريكهم الثالث
>>>اريج...
تستاهلون قلت لكم (سلم تسلم)>>ارهابيات!!
رح اقوم اكبر محامي في البلد!!مصدقه
عشان يقتص لنا منكم ومن فسادكم يامجرمات..لا وكمان يتلاعبون بالقانون وحاطة لي الرقم ماادري كم تقسيم أ
وش رايك تحولين محاماه؟؟؟؟
انا وراكم وراكم والزمن طويل
كوين انا معاك بالعقوبه...

صوت الالم>>>خلاص سماح المره هذي >>بكيفي لانها اعترفت بغلطها مو زيكم بس شوفي صوت لازم بكره تجيبين فطور عشان اسامحك صدق>>>استغلاليه!!
اما اشجان خلاص حياتي ترا مو لازم تسوين تلخيص ياطويلة العمر..انا اسويها عنك دائما>>>خايفه من التكفيخ..

والله ما راح فيها الا انتو ياخبلان00000 انا مرتاحه ماغير اتسدح واخذ الملخصات جاهزه مجهزه وياويلكم لو ما اعجبتني000000 لا تحسبون ان شغلة التقييم سهله والله انها اصعب من التلخيص نفسه وهذي شغلتي ههههههههههههه

يا ماأكثر هدرتكم بجد تحبون الهدرة

بعدين انا مسكينه كملت الملخص من امس وقد ارسلت به الاخ ((فريد الفغرة)) وصدقوني ما غبت عشان الملخص
>>>>>ماعاد الا اغيب عشان الملخص

ارحمو عزيز قوم ذل ما كان عندي سيارة>>>>اكسر الخاطر

شوفو من يوديكم بكره حبايبي المستشفى طيب!!!!!
>>>>>>>>>>>>>>نذاااااااااااااااااااااله

الى كل من يهمه الامر00000 بنائا على الحاح صديقاتي الشديد بترشيحي كمدققه عالملخلصات وافقت مكرهه عشان عيونكم ياعيون ميمي0000 والشي الثاني جاني خبر من طرفكم بترشيحي كذالك لكتابة الكويز اللي بنعمله على مستوى الشله وبالصراحه انا محرجه جدا عالثقه اللي اعطيتوني اياها0000 لكن بقول شي اولا الملخصات ما اعجبتني وبالصراحه ما هي مستوى طالبات طب والشي الثاني والله ان اجيب لكم اختبار يطلع عيونكم من مكانها عشان ثاني مره ما ترشحوني للمناصب الصعبه وانتومرتاحين 000حبيت اقول لكم اني ضربت منال في الكفتيريا الين بغت تموت

نسيت اقول شي!!!!!!!!!
ياويل وحده منكم تشكك في قدراتي لأني مثل ما قلت لكم اليوم والله أن أنزل ( احم احم ) كاااااااامل من الالف للياء وبأقول هذا من طرف هيفاء وانتوا عارفين قصدي زييين وكمان انتو تعرفوا ان مزون اذا حطت ببالها شي حتسويه ولا تتحدوني لأني قد جهزت كل شي بس انتظر وحده منكم تفتح فمها بكلمه

الله يستر منك يامزووون ..
اهم شي ضربتي منال مما اسعدني وبرد خاطري.. هه..
لا والله امزح ليش؟

اللة لا يجعلني تحت رحمتك يامززمززززز