صديقتكم محتاجه لكم

ياعالم انا قلبي تعبااااااان حتى المذاكره ماني قادره اذاكر عشان عندي مشكله كبييييييييره ولا لقيت حل بالي مشغول 24ساعه ومشكلتي اني ماقدرت اشكي لاحد لاني اخاف ان ماحد يفهمني وبالصراحه انا شكيت لاحد اقاربي بس احس اني زدت الطين بله مع قريبتي كانت متفاهمه جدا لكن انا ما اقتنعت بحلها والله انا تعبانه والله اني اكتب هذي الرساله وانا ابكي تكفووووووووووون ادعوا لي ان الله يفرج كربتي

الله يسرلك يا قلبي ........ ويبعد عنك كل ضيق ...... ياااااااارب ....... مع حبي ....[/img]

الله يفرج كربتك وييسر لك..
مستعده اسمعك واساعدك مع اني مدري من انتي..
اذا تبغين ارسلك رقمي على الخاص..
اللهم يا سامع الصوت ويامبريء النفوس بعد الموت ومن لا يشغله صوت عن صوت..
افرج همها وييسر امرها واجعل لها من كل ضيق مخرجاً...

أختي العزيزة ..

كلنا نمر بمشاكل في حياتي وهالمشاكل تترواح في شدتها ..

أوقات كل اللي نحتاجه اننا نلاقي احد يسمعنا بدون ما نحتاج اي نصيحه ..

واوقات يكون الحل عندنا لكن نكون خايفين ومو واثقين .. ونحاول نسمع رأي غيرنا عشان نلاقي اللي يأيد رأينا ...

واوقات المشاكل ما لها اي حل الا ان احنا نخليها وهي تحل نفسها بنفسها ..

اذا كانت مشكلتك غير شخصية اعرضيها هنا وانا واثق ان الجميع ما راح يقصر في المساعده ..

على كل حال .. الله يكون في عونك وصدقيني ما فيه احلى من وقوف اصحابك معك في هاللحظه .. ياما مرت علي اوقات كان الهم ما يخليني اتنفس .. وما هون علي الا اصحابي ووقفتهم معاي ..

الله ييسر لك .

ياميمي انا موجودة في كل مكان اذا ماسمعتك وساعدتك اجل لمين اسمع مهما كانت مشكلتك لا تتوقعي اني رح اسمعها لمجرد معرفتها ولكن مشكلتك اعتبرها مشكلة لي يكفي اني مولودة معك في نفس اليوم اكيد رح احس فيك وافهمك ....احبك ياصديقتي الغالية

مزمز ترى الدنيا ماتستاااااااااااااااااااهل..... بعدين شكل اليوم اليوم العالمي للبكاء ... والله لو فكرتي في المشكله بتلقين انك متعب نفسك على شيء مايستاهل.. مادام انت بخير واهلك كلهم بصحة وعافية.. كل شيء يهوون.. وبعدين انا متااكده مع اني مو عارفه وش مشكلتك انها بسيطة..عموما.. الله يفرج همك وييسر أمرك..
















ياااااااااااااوييييلك لو طلعت المشكلة عشان الدراسة كالعادة بتنضربين!!

حبيبتي ميمي اتوقع اني اعرف المشكله!!!
ويمكن الحل الي اعطيتك مااقتنعتي فيه لكن صدقيني الموضوع محل نقاش لو تبغي نرجع نتناقش فيه مره ثانيه وندور حلول اخرى انتي تقتنعين فيها عنوني لك ...

من جد والله العظيم انا حاسه فيك ومن زمان افكر فيك واحاول الاقي حلول ترضيك...واوعدك وعد ووعد الحر دين عليه اسااااااعدك لين ماتتخطين هذي الازمه بإذن الله وانا متأكده انك انسانه قويه ورح تتخطينها...
اسأل الله العظيم رب العرش العظيم ان يفرج كربتك وكربة كل مكروب ويفتح عليك ويشرح صدرك...ياارحم الراحمين..

الله يفرج كربتك وييسرلك -

ميمي...
تأثرت كثيرا لما قرأت الموضوع متأخر..
لك صادق دعواتي في ظهر الغيب..

وباقي الكلام..سيكون وجها لوجه بإذن الله..
أختك

إذا أرهقتك هموم الحياة
ومسك منها عظيم الضرر
وذقت الأمرين حتى بكيت
وضج فؤادك حتى انفجر
وسدت بوجهك كل الدروب
وأشكت تسقط بين الحفر
فيمم إلى الله في لهفه
وبث الشكاةلرب البشر

((قلبي معك ياسحابتنا لاتحرمينا من خيرك وتفاؤلك ))

لتكن قناعتك في كل ضائقه.....اللهم ان لم يكن بك غضب علي فلا أبالي......
شدي حيلك يا قلبي.....مو انتي اللي تنكسرين للعواصف...
(((اللهم يسر امرها وفرج كربها وادخل السلوى الى قلبها......اللهم اكفها شر الحساد والحاقدين ...... يا رب العالمين)))

الى كل حبيبات قلبي وكل من وقف جنبي وقت ضيقتي الله لا يحرمني منكم ماتتصورون كيف ارتحت بعد ما شكيت لكم وماراح انسى وقفتكم معي سواء بالجامعه او بالاتصالات او راسلني عن طريق المنتدى والله انه كان لها اثر كبييييييير في اني اتجاهل اللي حصل لي وكيف رجعت مزون الاولانيه المبسوطه على مدار الساعه إلا اذا جابو لها طاري الدراسه ههههههههه احبكم مووووووت >أمووووووووووووواه<