كل ما يهم طالب الطب
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  المجموعاتالمجموعات  دخولدخول  

شاطر | 
 

 قالت لهن بصراحه زوجي هو زوج احداكن!!!!

اذهب الى الأسفل 
كاتب الموضوعرسالة
خلووووده

avatar

المساهمات : 99
تاريخ التسجيل : 09/01/2008

مُساهمةموضوع: قالت لهن بصراحه زوجي هو زوج احداكن!!!!   الثلاثاء فبراير 26, 2008 9:19 am

هذه قصة سمعتها ويقول ناقلها انها حقيقية .
تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟
قالت لهن باركولي تزوجت .
قالن مبروك يامديرة ولكن منهو زوجك ؟.
قالت لهن بصراحة زوجي هو زوج إحداكن .
المدرسات تكفين علميننا أي وحدة منا ؟
قالت المديرة والله ما أعلمكن .
المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال ...
وافقن المدرسات على الطريقة .
ويوم جاء بكرا وكل وحدة مزهبه معها الدراهم .
جت الأوله والثانية والثالثة والرابعة حتى العاشرة والمديرة تاخذ الدراهم .
يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .
ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .
المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟
قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .
المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم ....
دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .
يوم طلعت لقنها عايدية وماصار شي وفلوسها أخذتها المديرة .
قالن يابنات فيه وحده منكن ماخذت المديرة دراهمها ؟
قالن لا والله كلنا اخذت دراهمنا .
ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟
قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد ..
قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا ..
انتهت القصة واتمنى تكون اعجبتكم ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دمعة فرح

avatar

المساهمات : 373
تاريخ التسجيل : 15/10/2007
العمر : 31

مُساهمةموضوع: رد: قالت لهن بصراحه زوجي هو زوج احداكن!!!!   الثلاثاء فبراير 26, 2008 9:58 am

هاهاهاهاهاهاهاهاهاها حلوه

_________________
قال علي بن خشرم:
ما رأيت بيد وكيع بن الجراح كتاباً قط , إنما هو الحفظ , فسألته عن أدوية الحفظ..
فقال: إن علمتك الدواء استعملته؟
قال: إي والله , قال: ترك المعاصي , ما جربت مثله للحفظ!

شكوت إلى وكيع سوء حفظي
فأرشدني إلى ترك المعاصي
وأخبرنــي بــأن العـلـم نـــــــور
ونــــور الله لا يؤتــى لعاصــي


*************************************************************
u should emphasize whether am become doc after 3 years from now or no ..
that what i mean by bewildering word
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
beautiful faith

avatar

المساهمات : 258
تاريخ التسجيل : 29/10/2007

مُساهمةموضوع: رد: قالت لهن بصراحه زوجي هو زوج احداكن!!!!   الأربعاء فبراير 27, 2008 5:06 am

حلووووووووووووووه خوخه...

مقلب فضيييع!!!!
دمتي..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: قالت لهن بصراحه زوجي هو زوج احداكن!!!!   الأربعاء فبراير 27, 2008 8:13 am

يسلموااااااااااا ......... عن جد خطيرة ........
الرجوع الى أعلى الصفحة اذهب الى الأسفل
HERO

avatar

المساهمات : 49
تاريخ التسجيل : 25/02/2008
العمر : 31

مُساهمةموضوع: رد: قالت لهن بصراحه زوجي هو زوج احداكن!!!!   الأربعاء فبراير 27, 2008 9:26 am

ههههههههههههههههههه ...

ذكرتيني بقصة رجال رجع يوم من الايام البيت مثل اي يوم عادي .. وعادةَ زوجته تغير ملابسها من ريحة الطبخ وتتكشخ وتجهز الاكل كل يوم قبل يدخل من الدوام ..
هذاك اليوم رجع الزوج وقال لزوجته يالله بسرعه لمي أغراضك أوديك بيت أهلك أنا تزوجت عليك ورايح شهر العسل ..
وهي مصدقه ومو مصدقه في نفس الوقت ..
وبعد لحظات من الذهول والتأمل .. صاح فيها وقال يالله بسرعه عشان ما أتأخر على زوجتي الثانيه ..
ركبت السياره وهي تبكي واغراضها في الشنطه وتتذكر كل العشره وتقول ليش يسوي فيني كذا وهذي اخرت الرجال ..
لمن وصلوا بيت اهلها وهي منهاره ومو مصدقه انه بهالقساوة والجلافه .. نزلت وهي تبكي ونزل هو يعطيها شنطتها .. ولمن وصل عندهل قال لها : انا لا اتزوجت ولا شي .. والدك مات وانا جايبك تقعدين مع امك ايام العزا .. الحرمه فرحت وقفزت وقالت : أشوا ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.myspace.com/majed131
the queen

avatar

المساهمات : 86
تاريخ التسجيل : 30/10/2007

مُساهمةموضوع: رد: قالت لهن بصراحه زوجي هو زوج احداكن!!!!   الخميس فبراير 28, 2008 4:25 pm

تبين الصراحة عرفت لهم 00
هههههههههههههههههه

يعطيك العافية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خلووووده

avatar

المساهمات : 99
تاريخ التسجيل : 09/01/2008

مُساهمةموضوع: رد: قالت لهن بصراحه زوجي هو زوج احداكن!!!!   السبت مارس 01, 2008 1:55 pm

تسلمو جميعا عالمرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قالت لهن بصراحه زوجي هو زوج احداكن!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
طبيبات المستقبل :: المنتديات العامة :: الملتقى العام-
انتقل الى: